من جديد .. عمرو أديب يهاجم محمد رمضان
01:23 م - السبت 5 يونيو 2021
رشا عادل
هاجم الإعلامي عمرو أديب، الفنان محمد رمضان، مساء أمس الجمعة خلال تقديمه برنامج “ الحكايه” المذاع على شاشة قناة “ أم بي سي مصر”، وذلك بعد أن صرح محمد في فيديو بأن الدلة تحفظت على أمواله.
ربما يعجبك
وقال عمرو أديب :” محمد رمضان فاكرنا هبل، وفاكرنا في عصر الجمهور الحقيقة مبتوصلوس، وحب يدينا انطباع أن هو مش بيعز حاجة على بلده، وأن البلد حطت إيديها على فلوسه، محمد بيضحك علينا كلنا وبيقول البلد حطت إيدها على فلوسي”.
وأضاف :” لا ياعم البلد عايشه من غير فلوسك وفي غني عنها، ومصمم يكذب تاني ويقول للعالم أن في مصر الحكومة بتحط إيدها على فلوس الناس”.
وتابع :” مصر مزنوقة في قرشين واخدت فلوس رمضان .. وقالك أنا بشيل الفلوس في البيت، الفلوس دي يامحمد فلوس الراجل اللي مات .. دي فلوس التعويض بتاعته يا راجل يا مفتري الراجل مات مش كنت تروح تلم القرشين وتديها لأهله”.
وأردف :” لازم تستنى لما يجيوا يحجزوا على الفلوس .. يا راجل حرام عليك اتقي الله، أبسط حاجة كنت تعملها مش 6 مليون أدي 10 أهي وأنا اسف والأعمار بيدي الله”.
وأشار :” أنا لسه عند ندري يوم ما أكسب القضية ندري موجود الفلوس كلها وهحط قدهم يروحوا مستشفى أبو الريش، فلوسك اللي أنت مخبيها في البيت هتروح للأطفال تتعالج”.
تابع موقع المؤشر علي تطبيق نبض
