شكاوى من فروع فودافون.. هذا ما يفعله موظفوها مع العملاء

شكا عدد من المواطنين من فروع شركة فودافون مصر، وقيام موظفي الفروع ببيع الخطوط بأ ضعاف سعرها، وإجبارهم على شراء باقات وتفعيلها كي يتمكنوا من شراء خط. 

بيع خطوط المحمول بأضعاف سعرها

قالت إحدى المواطنات في شكوى نشرتها عبر الفيس بوك: "دلوقتي أنا حاسه اني اضحك عليه من شركه فودافون أنا روحت عشان اشتري خط وبسألها بكام قالتلي اقعدي الاول وادتني اختار الخط قولتلها عايزه بس اعرف بكام بعد ما اكتفيت الخط وكل حاجه بتقولي ٧٢٠ قولتلها اي ده ده كتير اوي ليه قالتلي في ضريبه وخدمه قولتلها مش هاقدر شيلي طيب الباقه مش لازم اعملها مره تاني قالتلي طب هاعمل معاكي واجب قالتلي ٦٢٥ وعليه خط هديه وبعدين ادتني عاليهم تاني خطين هديه بقولها ليه كل ده أنا عايزه خط قالتلي دول هديه   بعد كده دخلت صحبتي سالت عللي الاسعار قالتلها خط وعليه خط هديه ب ٤٢٠ اعمل ايه لأن أنا حسيت اضحك عليه شركه فودافون" 

 

سعر الخط الفعلي

وقال عبدالرحمن أحمد "الخط ب 85 او 80 وبتفعيل المحفظه ب 90 او 100 مش فاكر من غير باقة والموضوع بيبقي عرض وطلب يعنى زى مانت حابب تشترى بباقة ولا لا مش اجبار ف هو اتضحك عليك فعلا". 

 

الموظفين عندهم تارجت

وقال نبيه ميلاد: "الخط تقريبا تمنه ١٢٠ ج بدون باقه بس هما عشان عندهم تارجيت خطوط ومضغوطين في النقطه دي فأغلبهم بيعملوا الحيله دي، ان ال ٦٠٠ ج دي بتعمل على بطاقتك ٤-٥ خطوط بنفس البطاقه وبتسلمك خط واحد بس وفي منهم موظفين تانيين يقولوا ان الخط ب ٣٠٠ ج مثلا ولو اخدتي اتنين هنزود ٢٠ ج بس عشان يحسسك انها فرقها بسيط وتقوليلوا هاتلي ٢ ماشي وزود ال ٢٠ وبكدا يبقا هو باع للزبون الواحد كذا خط في قعده واحده والخط تمنه اصلا ١٢٠ ج تقريبا". 

 

طرق أخرى لخداع العملاء

وقال خالد رشدي: "نفس الموضوع حصل معايا بس بطريق ثاني بنقل ملكيه قال لي ماشي اوكي وعليه خط كمان هديه قلت له ماشي اوكي عمل الاجراءات على الكمبيوتر ولقيته بيطلب مني ب 420 جنيه قلت له انا عايز اغير بس قال لازم تاخد خط عليه قلت له لا انا من حقي اغير ملكيه وصممت على كده وفعلا غير الخط وما دفعتش حاجه طب ليه هم بيعملوا كده مع الناس المفروض شركه تريح العملاء اللي عندها انا كان ممكن بكل بساطه الغي الخط والشركه هي اللي خسرانه مش انا ما في كذا شركه منافسه بس اللي حصل ان انا اتمسكت بحقي عشان كده الموظف ما قدرش يعمل معايا حاجه".