شقيق شيرين عبدالوهاب يفتح النار على الإعلامية بسمة وهبة.. لهذا السبب؟

هاجم محمد عبدالوهاب شقيق الفنانة شيرين عبدالوهاب، الإعلامية بسمة وهبة بعد تضامنها مع شيرين عقب أزمتها الأخيرة و اختفائها مما اُثير حالة من الجدل والتساؤلات عن اسباب أختفائها.

شقيق شيرين يهاجم بسمة وهبة

وكتب محمد عبدالوهاب عبر حسابة الشخصي “فيسبوك”: “الاستاذة بسمه وهبة، ياريت حضرتك  متعمليش بتحبيها اوى كده دانتي جيبتي طليقها مخصوص في رمضان عشان تقطعو فيها، ولما البرنامج اتوقف كنتي بتطلعي لايف من انستجرام وتتصلي بيه وبردو تقطعه فيها”.

وأضاف: “مش عيب علي اعلاميه كبيره ومخضرمه زي حضرتك لما واحد زي ده يقولك انا عاليت سعر شيرين بره مصر وانتي تعديها عادي، وهو ابعد حفلة عملها في بورتو المنيا”.

وتابع: “يعني شيرين اللي وقفت علي اكبر مسارح الوطن العربي قرطاج وجرش وهلا فبراير وليالي دبي وسوق واقف و اوبرا عمان، ولفت معظم اوروبا وامريكا قبل ما تشوف وشه اصلا، كان من باب المهنية تسأليه سوال واحد جبت الخبره دي منين عشان واحد زيك يعلي سعر اكبر مطربة في الوطن العربي، يا استاذة ده مركبش طياره غير مع شيرين عيب والله”.

الحالة الصحية لـ شيرين عبدالوهاب

وفي وقت سابق، عانت شيرين من التهاب رئوي حاد كاد أن يهدد حياتها، خاصة بعد تأخرها في الخضوع للعلاج، وهناك بعض الاقاويل حول نقلها من منزلها بالشيخ زايد إلى شقتها القديمة بالمقطم لتقضي فترة النقاهة بعيدًا عن الجميع، وأنها تمر بحالة نفسية سيئة.

فنانون ساندوا شيرين عبدالوهاب في أزمتها

وجه الفنان تامر حسني رسالة دعم للفنانة شيرين خلال حفله الأخير بالقاهرة ومقدما أغنيتها “بص بقى”، وانه في انتظار رجوعها في شكل أفضل.

وظهرت فيفي عبدة في فيديو عبر صفحتها الشخصية “فيسبوك”، وهي تدعمها وتطلب من جمهورها الدعاء لها و قالت “بحبك وانتى وحشانا أوي، لازم ترجعي لجمهورك، والجمهور بينسي أي حاجة في الدنيا، إنتى جدعة وبنت بلد، قومي متخليش حد يكسرك.”

وأضافت: “انتى فنانة كبيرة أوي، مطربة جامدة، لا يا شيرين، أنا بحبك، لو مش عندي شغل أفضل أخلى بالي منك واطلعك من اللى انتى فيه، حبيبتي شيرين أشوفك بألف خير وعافية، وربنا يخليكى لأولادك، قومي لفنك.”

وتابعت: “الفن ميتعوضش، قومي، يلا اشوفك على خير، كلكم ادعوا لشيرين عبد الوهاب، تقوم بألف سلامة، العين وحشة وتعمل أكتر من كدا، قومي يا حبيبي ومتستسلميش.”