مخرجة فيلم «مش أنا» تكشف تفاصيل جديدة عنه
01:43 م - الخميس 10 يونيو 2021
رشا عادل
كشفت المخرجة سارة وفيق، تفاصيل فيلمها الجديد “مش أنا” الذي يقوم ببطولته النجم تامر حسني، وذلك من خلال لقائها في برنامج “et بالعربي”.
ربما يعجبك
وقالت سارة، لبرنامج “et بالعربي” :” تامر حسني عامل حاجة مختلفة عن كل الأفلام اللي قدمها قبل كده .. فهو لأول مرة بيعمل بلاك كوميدي … دور شاب يعتبر فقير عنده مشاكل الحياة العادية.. الشغل مش مستقر وظروفه المادية صعبة .. وبتواجهه مشاكل كتير وبنحاول نحل المشاكل دي مع الأبطال”.
وتابعت :” اسم تامر حسني في الفيلم حسن وطالع فنان تشكيلي ورسام”.
وأضافت :”تامر عامل مجهود عضلي عصبي رهيب .. وفعلًا تامر حسني يستاهل أوسكار”.
وأردفت :” كنا مسمينه أنا وتامر .. الحلم مش الفيلم من أول ما عرض عليا فكرة الفيلم .. وأنا اتحمست ليها قوي وحسيت إنها هتكون حاجة مختلفة تمامًا .. والكيمياء بيني وبينه كانت حلوة قوي خلال التصوير”.
أما عن مشاركة ماجد الكدواني، قالت :” ماجد الكدواني صديق تامر المقرب وجاره اللي دئمًا يحل له مشاكله .. وعارف كل همومه .. وهو الصدر الحنين له”.
وأختتمت حديثها :”حلا شيحة طالعة حبيبة تامر حسني اللي بتقف بجانبه في مشكلته وتساعده دائمًا لغاية ما يتجوزوا بعد ما بيحبوا بعض ويبقى بينهم خط رومانسي”.
فيلم مش أنا، تدور أحداثه في إطار كوميدي، وشارك في بطولته الفنان تامر حسني وماجد الكدواني وحلا شيحة ومحمد عبد الرحمن وسوسن بدر وإياد نصار وشيرين، والفيلم من تأليف تامر حسني، ومن إخراج سارة وفيق.
تابع موقع المؤشر علي تطبيق نبض
