خالد يوسف يكشف طريقة تصوير مشاهد العري

قال المخرج خالد يوسف إن المشاهد الجريئة أو التي تضطر فيها الفنانة إلى خلع ملابسها يتم تصويرها بطريقة مختلفة عن أي مشهد آخر.

خالد يوسف: المشاهد لا تتضمن الخلع الكامل للملابس 

وقال خالد يوسف خلال لقائه في برنامج "بدون مونتاج": "المشاهد اللي فيها حساسية زي دي أولا مش بيحصل القلع الكامل، يعني في مشهد في "كلمني شكرا" حورية فرغلي المفروض واقفة قدام كاميرا الكمبيوتر وبتعمل شات مع شاب، في هذا الفيلم كنت بتكلم كيف أثرت ثورة الاتصالات على منظورة القيم، حورية قامت بدور فتاة بتتعرى على الإنترنت مقابل 50 جنيه أنا كنت بناقش قضية".

وتابع خالد يوسف: "المشهد أنها المفروض هتقلع هدومها وتظهر جسمها للولد، الكاميرا في ضهرها ومفيش حد قدامها هي بالفعل قلعت بس إحنا شايفين ضهرها فقط، التنفيذ نفسه بيبقى فيه طريقة ما أن ممكن تقلع أو تدي الإيحاء أنها قلعت بس لا حد شافها ولا هي قلعت".